Bhagwaan aur main

Bhagwaan aur main

Kabhi jab bhagwaan

Aur main

Dono acche mood mein hote hain

Hum har bekaar ki baat pe

Khus hote hain,

Hum dono,

chalte jaate hain saath- saath,

Kshitij tak,

Bhagwaan chup chaap,

Mand - mand hanste hain,

Aur main, kuch gungunata hoon

apne aur tumhare bare mein,

Kabhi jab bhagwaan

Aur main

Dono acche mood mein hote hain ,

Hum dono,

apni- apni mast mein,

Rahte hain

Aur chalte jaate hain,

Kshitij tak,

Woh mere saath,

Aur mein tumhare saath.

Chetan